एजुकेशन रिसर्च एण्ड डेभलपमेन्ट संस्थान, पटना द्वारा भारतका पूर्व प्रधानमन्त्री एवं भारत रत्न अटल बिहारी वाजपेयीको सम्झनामा आयोजित “एक भारत श्रेष्ठ भारत” तथा “अटल साहित्यकार सम्मान समारोह” मा डा. शशि भूषण कुमारलाई “अटल साहित्यकार सम्मान 2025” बाट सम्मानित गरिएको छ।
सो कार्यक्रममा प्रमुख अतिथि रूपमा बिहार सरकारका स्वास्थ्य मन्त्री मंगल पाण्डेय तथा पूर्व मन्त्री एवं भारतीय जनता पार्टी बिहार प्रदेश अध्यक्ष दिलीप जयसवाल सहभागी भएका थिए। कार्यक्रमको संयोजन संस्थानका अध्यक्ष डा. विनोद शर्मा द्वारा गरिएको थियो भने अध्यक्षता डा. अनिल सुलभले गरेका थिए।
बिहारका विभिन्न जिल्लाबाट आएका साहित्यकार तथा साहित्य प्रेमीहरुलाई यस समारोहमा सम्मानित गरिएको थियो। वैशाली जिल्लाबाट हिन्दी साहित्य सम्मेलन वैशालीका अध्यक्ष डा. शशि भूषण कुमारलाई भाजपा प्रदेश अध्यक्ष दिलीप जयसवालद्वारा सम्मानित गरियो। सो अवसरमा संस्थानका अध्यक्ष डा. विनोद शर्मा तथा अध्यक्षता गरिरहेका डा. अनिल सुलभले खुशी व्यक्त गरे।
डा. कुमारलाई यस सम्मान प्राप्त भएकोमा चारैतिरबाट बधाई दिइएको छ। उल्लेखनीय छ कि डा. शशि भूषण कुमार यसअघि नेपाल (काठमाडौं) मा आयोजित कार्यक्रममा “धर्मादित्य धर्माचार्य अन्तर्राष्ट्रिय मातृभाषा पत्रकारिता सम्मान 2025” बाट सम्मानित भएका थिए। यो सम्मान नेपालका मातृभाषा पत्रकारिताका जनक धर्मादित्य धर्माचार्यको नाममा सार्क राष्ट्रहरूमा मातृभाषाको क्षेत्रमा उत्कृष्ट योगदान दिने व्यक्तिलाई प्रदान गरिन्छ।
डा. कुमार मानव अधिकार पत्रकारिता, लोक संस्कृति संरक्षण तथा हिन्दी भाषा प्रवर्द्धनका क्षेत्रमा पनि सक्रिय छन्। उनी भारत-मॉरीशस मैत्री संघका सचिव, भारत-नेपाल अन्तर्राष्ट्रिय सद्भावना मंचका अध्यक्ष तथा सार्क जर्नलिस्ट फोरम इन्टरनेशनल, इण्डिया च्याप्टर बिहारका अध्यक्ष हुन्।
उनी विश्व हिन्दी परिषदका केन्द्रीय कार्यकारिणी सदस्य पनि रहेका छन्। साथै, हिन्दी साहित्य सम्मेलन वैशालीका अध्यक्ष तथा आम्रपाली कला-साहित्य सम्मेलनका अध्यक्षको रूपमा समेत कार्यरत छन्।
उनी थुप्रै राष्ट्रिय तथा अन्तर्राष्ट्रिय सम्मानहरूबाट सम्मानित भइसकेका छन्, जसमध्ये उल्लेखनीय छन्:
* गोल्ड स्टार एशिया इन्टरनेशनल अवार्ड 2015 (नेपालका उपराष्ट्रपतिको हातबाट)
* ग्लोबल अचिभर्स इन्टरनेशनल अवार्ड 2016 (थाईल्यान्डका उपप्रधानमन्त्रीको हातबाट)
* नेपालका मन्त्रीको हातबाट सम्मान 2022
* गोवा राजभवनमा तत्कालीन राज्यपाल मृदुला सिन्हाद्वारा सम्मान 2019
* हिन्दी रत्न सम्मान 2023, सम्मेलन पद्म पराग सम्मान 2023, सम्मेलन रत्न सम्मान 2021, रामधारी सिंह ‘दिनकर’ सम्मान 2019, विद्यावाचस्पति सम्मान 2018, सरस्वती सम्मान 2017
* कोरोना योद्धा सम्मान, आदर्श पत्रकारिता सम्मान (सीताराम फाउण्डेशन, मुम्बई), सारण हिन्दी साहित्य सम्मेलन सम्मान 2019
* वर्धमान महावीर बज्जिका गौरव सम्मान 2024 (बज्जिका मंदाकिनीद्वारा)
* बज्जिका रत्न 2024 (राष्ट्रीय बज्जिका भाषा परिषदद्वारा)
* साउथ वेस्टर्न अमेरिकन युनिभर्सिटीद्वारा मानव अधिकार क्षेत्रमा मानार्थ डॉक्टरेट (2025)
उनी “सशक्त नारी, सशक्त भारत” पुस्तकका सम्पादक, “बज्जिका वैभव” पत्रिकाका सम्पादक तथा “मानव अधिकार के हो?: एक दृष्टि” लगायत दर्जनौं पुस्तकका लेखक पनि हुन्।
