बिरगंज , जेष्ठ २५ गते आइतबार ।
रक्तदान जिवन दान , जिवनदान महादान भन्ने नाराका साथ लकडाउनक को नियम पालना गर्दै र कोभिड -१९ कोरोना भाईरसको कारण बिरगंजमा रगतको अभाव भए सङै रगतको कमि हुन नदिनको लागी चेली कृषि सहकारी सस्था लि. बिरगंज पर्साको आयोजनामा रक्तदान कार्यक्रम सप्पन्न भएको छ ।चेली कृषि सहकारी सस्थाका अध्यक्ष कमला घिमिरेको अध्यक्षतामा भएको रक्तदान कार्यक्रमको प्रमुख अतिथि राष्ट्रिय सहकारी बिकास बोर्डको संचालक सदस्य शम्भु गुप्ता रहनु भएको थियो ।
बिरगंजको रेलवे रोड स्थित मिथिला नगरमा आइतबार भएको रक्तदान कार्यक्रममा १७ महिला सहित ७१ जनाले रक्तदान गरेका थिए ।रक्तदान गर्नु हुनेमा ईन्दु रन्जितकार , सुशीला भण्डारी ,बिमला लिम्बु , मैया थापा, एेतुका श्रेष्ठ , अर्चना श्रेष्ठ , सरस्वती मानन्धर , बिनय मानन्धर ,रबि भुषण श्रीवास्तव , भिममाया मुक्तान , बिशाल श्रेष्ठ , दिपेन्द्र श्रेष्ठ , रामबाबु चौरसिया , बिनय श्रेष्ठ लगायतकाले रक्तदान गरेका थिए।
रक्तदान कार्यक्रममा नेपाल रेडक्रस सोसाइटी पर्साका अध्यक्ष बिरेन्द्र राज कडेल , सिएमसि पर्साका अध्यक्ष जिस्नु बराल, समाजसेबि राजकुमार घिमिरे , नारायणी एफएमका शिवनाथ यादव लगायतकाको उपस्थिति रहेको थियो ।
