अजित भुजेल
बिरगंज , जेष्ठ १८ गते मंगलवार ।
बिरगंज जेसिसद्वारा बिरगंज महानगर भित्र निःशूल्क भोजन गराउदै आएका सहयोगी हातलाई बिरगंज जेसिसले खाद्यान्न सामाग्री सहयोग गरेको छ ।
कोभिड -१९ कोरोना भाईरसको महामारी पर्सा जिल्लामा दिन प्रति दिन बढदै गएपछी बैशाख १६ गते देखि निषेधाज्ञा जारी भएपछि निषेधााज्ञाबाट प्रभावित परिवारलाई निःशूल्क रुपमा भोजन गराउँदै आएको संस्थालाई बिरगंज जेसिसले आज चामल- ४ बोरा , ग्यास सिलिण्डर – २ थान, तेल- १ कार्टुन, मास्क – १० डिब्बा लगायतका सामाग्री सहयोग गरेको थियो ।
दैनिक एक सय जनासम्मलाई निःशूल्क रुपमा भोजन गराउँदै आएको सहयोग हातका संयोजक राजेश सिंह , निराजन अधिकारी, अरुण चौरसिया, विवेक बस्नेतलाई बिरगंज जेसिसका अध्यक्ष रञ्जन राउतले सो सामाग्री हस्तान्तरण गरेको जेसिसका पुर्व अध्यक्ष शेखर चौधरीले पर्सा पोस्टलाई जानकारी गराउनु भयो।
