कृष्णनगरको आइसोलेशन बेडबाट थप २४ जना कोरोना जितेर घर फर्किए
भोला गुप्ता
जेष्ठ ३१– कृष्णनगर
कपिलवस्तुको कृष्णनगर नगरपालिकाका थप २४ जना कोरोना सङ्क्रमित उपचार पश्चात् शनिवार घर फर्केका छन् । कृष्णनगरमा सञ्चालित आइसोलेशन सेन्टरमा उपचार गराइरहेका उनीहरु कोरोना जितेर घर फर्केका हुन् ।
पुनः परीक्षण पश्चात कोरोना भाइरसको रिपोर्ट नेगेटिभ आएपछि उनीहरुलाई घर फर्काइएको स्वास्थ्य शाखाका सह–संयोजक अनिल कुमार विश्वकर्माले जानकारी दिनुभयो । कृष्णनगरको आइसोलेशन सेन्टरमा हाल १७ जना कोरोना संक्रमित उपचार गराईरहेको विश्वकर्माले बताउनुभयो ।
नगरपालिका प्रमुख रजत प्रताप शाहले निको भएका सबैलाई खादा ओढाउँदै बधाई दिनुभएको थियो । नगरपालिका प्रमुख शाहले सबैलाई घरमै एक हप्तासम्म एकान्तवासमा सतर्कतापुर्वक बस्न अनुरोध गर्दै बिदाई गर्नुभएको थियो ।
आफ्नो प्रतिक्रिया दिनुहोस
