वीरगंज, पर्सा
राष्ट्रिय प्रजातन्त्र पार्टी बाट युवा नेता एवम् समाजसेवी बिजय कुमार पासवान आज वीरगंज महानगरपालिका वार्ड नं २३ प्रसौनी बिर्ता मा घरदैलो तथा भेटघाट कार्यक्रम गरेका छन । भेटका क्रममा नेता पासवानले वडाको समस्याबारे स्थानिय संग छलफल गरेका थिए ।
स्थानियले वडामा सोचे जस्तो बिकाश नभएको र वर्तमान जनप्रतिनिधि आफनो व्यत्तिगत स्वार्थपुर्तिमा मात्र लागेको बताएका थिए । स्थानियले संकटको बेला सहयोग नगर्ने तथा निर्वाचनको बेला मात्र जनताको घरमा पुग्ने स्वार्थी नेताहरुको काम नभएको बताएका थिए ।
नेता पासवानले १५ बर्ष देखी अपाङ्गहरु लाइ बिभिन्न माध्यमबाट सहयोग गर्दै आएको तथा कोरोनाका कारण सरकारले लगाएको लकडाउन अवधि भरि गरिब दिनदुखीहरु लाइ सहयोग गरेका थिए ।
त्यसैगरी बाढि पहिरोको बेला पनि नेता पासवानले घर डुबानमा परेका परिवारलाई सहयोग गरेका थिए ।उनले समाजसेवालाई थप सहज र व्यवस्थित बनाउन राजनितिमा लागेको बताए ।
पासवानले समाजसेवालाई अब राजनितिको माध्यमले पुरा गर्ने बताए । उनले वडालाई महानगरकै नमुना वडाको रुपमा बिकाश गर्ने योजना रहेको बताए । नेता राष्ट्रिय प्रजातन्त्र पार्टीबाट वडा नम्बर २३ प्रसौनी बिर्ता मा उम्मेदवारी दिन लागेका छन ।
