राजन कुमार बानिया
लंगडी १३ असार
नागरिकता संसोधन बिधेयक खारिजको माग गर्दै धोबिनि गाउँपालिका वार्ड न.४ लंगडीमा नेपाली कांग्रेस ले बिरोध प्रदर्शन गरेको छ । नेकपाले विदेशी महिला संग विवाह गर्दा ७ वर्ष पछि अंगिकृत नागरिकता दिने निर्णय गरेको छ।
संघिय लोकतान्त्रिक गणतन्त्र भई सकेको वर्तमान परिवेशमा यो निर्णय अलोकतान्त्रिक तथा निरङ्कुशताको प्रतिक भएकोले यो निर्णयको घोर भत्सर्ना गरिएको छ । यस निणर्यले मधेस र मधेसी प्रतिको विभेद तथा दमनलाई उजागर गरेको छ। महिला प्रतिको लैङ्गिक भिन्नता र समानताको सवाललाई खिल्ली उडाऐको छ ।
तसर्थ यस्ता विभेदकारी निणर्य गरि आपसी सदभाव र निरङ्कुशताको उजागर गर्नु बाहेक अरु केहि नभएको । देश बिपत्तिको सामाना गरिरहे अवस्थामा केपि ओलि सरकारले विभिन्न बहाना र खोकोलो राष्ट्रवाद देखाउने र मधेस र पहाड बिच दुरि कायम गरि राजनीति सफल पार्न देशमा गृह युद्ध निम्तियाउने खेल भएको नेपाली कांग्रेस का नेता बसिस्टनारायण कुर्मीले बताए ।
कुर्मीको नेतृत्वमा भएको बिरोध कार्यक्रममा विभिन्न नारा जस्तै बैवाहिक अङ्गकृत नागरिकताको ७ बर्से प्रवधान खारेज गर, महिला संगको विभेद अन्तय गर, रोटी बेटीको सम्बन्ध बिगार्न पाईदैन, मधेसी माथिको अत्याचार बन्द गर र केपी ओलि सरकार मुर्दाबाद लगायतको नाराबाजी गर्दै लंगडी चौकमा कोणसभामा प्रणित भएको थियोे ।
बिरोध कार्यक्रम मा धोबिनी गाउँपालिका अध्यक्ष सुरेश प्रसाद कुर्मी, नेपाली कांग्रेस का युवा नेता धर्मेन्द्र पटेल, वार्ड अधयक्ष मजिद मिया, राजकिसोर पटेल, बलिस्टर मिया, कमल ठाकुर,लगायतको सहभागिता रहेको थियो ।
