वीरगञ्ज । जिल्ला प्रहरी कार्यालय पर्साले वीरगञ्जस्थित क्लार्क क्यासिनोको पछिल्लो एक महिनाको CCTV फुटेज निकालेर अध्ययन गर्नुपर्ने माग सामाजिक सञ्जालमार्फत स्थानीयवासीहरूले गरेका छन्।
क्यासिनोमा विभिन्न समयमा जनप्रतिनिधि तथा स्थानीय तहका प्रमुखहरू समेत पुगेर जुवा खेल्ने गरेको दाबी गर्दै स्थानीयवासीहरूले प्रहरीले एक महिनाको CCTV फुटेज जाँच गरेमा थप तथ्य बाहिर आउन सक्ने बताएका छन्।
सामाजिक सञ्जालमा स्थानीयवासीहरूले जिल्ला प्रहरी कार्यालय पर्सासँग “क्लार्क क्यासिनोको एक महिनाको CCTV फुटेज निकालेर हेरियोस्” भन्दै अनुरोध गरेका छन्। उनीहरूले फुटेज अध्ययन गर्दा क्यासिनोमा आउने जाने व्यक्तिहरू तथा जुवामा संलग्न भएको भनिएका व्यक्तिहरूबारे थप जानकारी सार्वजनिक हुन सक्ने बताएका छन्।
स्थानीयवासीको मागप्रति प्रहरीले चासो दिई CCTV फुटेजको अनुसन्धान तथा छानबिन गर्ने हो भने घटनाको वास्तविकता बाहिर ल्याउन सहयोग पुग्ने उनीहरूको भनाइ छ।
यद्यपि, सामाजिक सञ्जालमा गरिएका दाबीहरूको स्वतन्त्र पुष्टि हुन बाँकी रहेको छ।
