विद्युत सर्ट भएर न्युरोडको एक पाँचतले घरमा आगलागी
काठमाडौं । काठमाडौंको न्युरोडमा आइतबार विद्युत सर्ट भएर आगलागी भएको छ । न्युरोडको प्युखास्थिति एक पाँच तले घरमा आगलागी भएको हो ।
घरबाहिर बिजुलीको तार सर्ट भएर सुरु भएको आगलागीले भुइ तलामा रहेको जुत्ता र झोला पसल, दोस्रो तलामा रहेको खेलकुद सामग्री पसल र त्यसमाथिका तलामा रहेका कपडा पसलका सामान जलेको जनाइएको छ ।
आगो काठमाडौं महानगरपालिका, जुद्ध वारुण यन्त्रलगायतका दमकलको सहायतमा नियन्त्रणमा लिइएको छ ।
आफ्नो प्रतिक्रिया दिनुहोस
