राहुल गुप्ता
वीरगन्ज नेपाल स्थित भारतीय महावाणिज्य दूतावासले १५० औ बिरसा मुंडा जयंती मनाएको छ । उनको जन्मजयन्तीलाई भारत देशले आदिवासी गौरव दिवसका रुपमा मनाउँदै आएको छ प्रधानमन्त्री नरेन्द्र मोदीले पनि धेरै कार्यक्रममा भाग लिइ र बिरसा मुन्डालाई श्रद्धाञ्जली अर्पण गर्ने गरेका छन ।
अंग्रेजहरू विरुद्धको सङ्घर्ष होस्,आदिवासी जग्गा लुट्ने होस् वा कर थोपरेको होस् वा जमिन्दार र साहूकारहरूले आदिवासीहरूमाथि गरेको अत्याचार, बिरसा मुन्डाले ठूलो भूमिका खेलेर अंग्रेज र तिनका दलालहरूलाई पछि हट्न बाध्य तुल्याए । बिरसा मुण्डाको उलगुलान (१८९५-१९००) ले अंग्रेजहरूलाई यति डराए कि रणनीतिको रूपमा बिरसा मुन्डा र उनको आन्दोलनलाई ध्वस्त पारियो। बिरसा मुण्डाको १५० औँ जन्म वर्ष नोभेम्बर १५ मा मनाइदै आएको छ ।
भारतीय महावाणिज्यदूत द्वारा आयोजना गरिएको जयन्ती कार्यक्रममा वीरगन्ज स्थित भारतीय महावाणिज्य दूतावासका प्रमुख डि.एस.मिना ले मन्तव्य दिदै बिर्सा मुण्डाको जन्म १५ नोभेम्बर १८७५ मा तत्कालीन राँची र अहिलेको खुन्ती जिल्लाको उलिहातु गाउँमा आदिवासी परिवारमा भएको बताए । भगवान बिरसा मुण्डको बाटो हिड्नेलाई बिरसाइच भनिन्छ । आज पनि उहाँका चेलाहरू उहाँको बाटोमा हिँड्छन् । बिरसा मुण्डाको जीवन पूर्णतया आदिवासी समुदायलाई समर्पित थियो। बिरसा मुण्डाले अंग्रेजहरुको अत्याचार विरुद्ध बिगुल फुकेका थिए । बिरसा मुण्डा एक प्रगतिशील विचारक र एक सुधारवादी नेता थिए। उनले आफ्नो समाजलाई अन्धविश्वास र लागुऔषध दुव्र्यसन विरुद्ध सचेत गराए । उनले पशु मार्नु ठीक नभएको, बलि दिनु गलत हो, जीवित प्राणीप्रति दया देखाउनुपर्ने भन्दै उनले मदिरा सेवन नगर्न आदिवासी जनजातिलाई सुझाव दिएका थिए ।
आजको कार्यक्रममा वीरगन्जका विभिन्न बिधालयका छात्र छात्राहरुको सहभागिता रहेको थियो भने थारु समुदायका अग्रज महिलाहरु ले आफ्नो सांस्कृतिक प्रस्तुति दिएका थिए।
