ठाकुरराम क्याम्पसमा आगजनी गर्नेहरुलाई पक्राउ गरि कारबाही गर्न नेविसंघको माग
नेपाली काँग्रेसको भातृ संगठन नेविसंघले वीरगन्जको ठाकुरराम बहुमुखी क्याम्पसमा शुक्रबार गरिएको आगजनीको घटनामा संलग्नहरुलाई पक्राउ गरि कारबाही गर्न माग गरेको छ ।शनिबार क्याम्पस परिसरमै पत्रकार सम्मेलन गरेर नेविसंघले शुक्रबार क्याम्पसको विधार्थी कल्याण तथा खेलकुद शाखामा गरिएको आजगजनीमा संलग्नहरुलाई पक्राउ गरि कारबाही गर्न माग गरेको हो ।
नेविसंघले स्ववियु निर्वाचनका लागि निर्वाचन समितिले प्रकाशन गरेको मतदाता नामावलीमा करिब १ हजार फर्जि विधार्थीको नाम पनि समावेश गरिएकाले त्यसको छानबिन गरि चैत ५ को निर्धारित मितिमै निर्वाचन गर्न पनि क्याम्पस प्रशासनसंग माग गरेको छ ।
काँग्रेस पर्साले गठन गरेको समन्वय समितिका संयोजक नवीन सिंहले शुक्रबार क्याम्पसमा गरिएको आगजनीको घटनामा नेविसंघको कुनै संलग्नता नरहेको प्रष्ट पारे । उनले आगजनीमा संलग्न ३ जना विधार्थीलाई प्रहरीले शुक्रबार नै पक्राउ गरेपनि बिना कारबाही छाडेको प्रति आपत्ति जनाउदै पक्राउ परेकाहरु अन्य संगठनका विधार्थीहरु रहेको बताए ।
प्रहरीले उक्त घटनामा संलग्न रहेको आरोपमा शुक्रबार दिउँसो नेकपा एकिकृत समाजवादी निकटको अनेरास्ववियुका नेता सुजित गीरी ,नेकपा एमाले निकट नेपाल खेलकुद महासंघ ठाकुर राम क्याम्पस ईन्चार्ज मनिष चौहान र अनेरास्ववियु क्रान्तिकारीका विद्यार्थी नेता शिवम साहलाई नियन्त्रणमा लिएर शुक्रबार नै साँझ रिहा गसिकेको छ ।
पत्रकार सम्मेलनमा काँग्रेसका जिल्ला सहसचिव समेत रहेका सिंहले आगजनीको घटनामा संलग्नहरुलाई पसन पक्राउ गरि कारबाही नगरे र स्थगति निर्वाचन प्रकृया पुन सुचारु नगरिए नेविसंघ आन्दोलनमा उत्रिने तेतावनी पनि दिए ।
यसका साथै मतदाता नामावलीमा फर्जि विधार्थीको नाम समावेश गर्ने क्याम्पसका सम्बन्धित कर्मचारी र निर्वाचन अधिकृतलाई क्याम्पस प्रशासनले कारबाही गर्नु पर्ने माग पनि आफुहरुको रहेको सिंहले बताए ।
क्याम्पसमा जनाधार नै नभएका विधार्थी संगठनहरुले चैत ५ को स्ववियु निर्वाचन भाड्न शुक्रबार क्याम्पसमा आगजनी गरेको पत्रकार सम्मेलनमा नेविसंघ पर्साका अध्यक्ष रमेश यादवले बताए ।ठाकुरराम क्याम्पसमा विगत देखि नै नेविसंघको जनाधार बलियो रहेका र त्यहि कारण अन्य संगठनहरुले चैत ५ को निर्वाचन भाड्न हर्कत गरिरहेको उनले बताए । तर नेविसंघ चैत ५ मै निर्वाचन हुनु पर्ने अडानमा रहेको उनले प्रष्ट पारे ।
निर्वाचन समितिले फागुन २१ मा प्रकाशन गरेको मतदाता नामावलीको विषयलाई लिएर भएको विवादका क्रममा विधार्थीहरुले शुक्रबार क्याम्पसको विधार्थी कल्याण तथा खेलकुद शाखामा आजगनी गरेका थिए ।
क्याम्पस प्रशासनले शुक्रबार गरिएको आजगजनीको घटनापछि शनिबारका लागि निर्धारति मनोनयन पत्र दर्ता कार्यक्रम सहित त्यसपछिका निर्वाचन कार्यतालिका हालका लागि स्थगीत गरि प्राध्यापक रघुनाथ प्रसाद चौरसियाको संयोजकत्वमा छानबिन समिति गठन गरेको छ । निर्वाचन अधिकृत रोशन लामिछानेका अनुसार , उक्त समितिले ३ दिन भित्र (फागुन२९ गते भित्र) फागुन २१ मा प्रकाशीत मतदाता नामावलीको छानबिन गरि प्रतिवेदन बुझाउने छ । त्यसपछि उक्त प्रतिवेदनका आधारमा अन्तिम मतदाता नामावली प्रकाशीत गरि पुन अर्को निर्वाचन कार्यतालिका प्रकाशन गरिने लामिछानेले बताएका छन् ।
वीरगन्जको ठाकुरराम बहुमुखी क्याम्पसका जनमत विधार्थी संघका इकाई अध्यक्ष शीवम सिंह नेविसंघमा प्रवेश गरेका छन् ।
डा. सिके राउत नेतृत्वको जनमत पार्टीका भातृ संस्था जनमत विधार्थी संघका इकाई अध्यक्ष सिंह , नेपाली काँग्रेसको भातृ संस्था नेविसंघमा प्रवेश गरेका हुन् ।
शनिबार क्याम्पस परिसरमै आयोजित कार्यक्रममा सिंहलाई काँग्रेसका जिल्ला सहसचिव नवीन सिंहले अबीर टिका लगाएर स्वागत गरे भने नेविसंघ पर्साका सभापति रमेश यादवले सिंहलाई संघको सदस्यता प्रदान गरे ।
शनिबारको पत्रकार सम्मेलनमा नेविसंघका क्याम्पस इकाइ सभापति मनोज कुमार साह,नेपाल तरुण दलका जिल्ला सभापति विकास तिवारी , नेपाल प्रेस युनियनका जिल्ला अध्यक्ष रामनारायण कुर्मी , नेविसंघका नेताहरु धर्मराज यादव , रोशन सिंह,जे.पि.ठाकुर,मुनराज तिवारी,राहुल गुप्ता लगायतको पनि सहभागिता थियो ।
