वीरगन्ज महानगरपालिकाले महानगरमा रहेका सबै विद्यालयहरुमा ‘गौरवशाली वीरगन्ज’ नामक पुस्तक लागु गर्न सिफारिस गरेको छ।
महानगरमा रहेका सामुदायिक तथा संस्थागत विद्यालयहरुमा कक्षा ८ को लागि सन्दर्भ सामग्रीको रुपमा ‘गौरवशाली वीरगन्ज’ पुस्तक लागु गर्न महानगरको शैक्षिक प्रशासन महाशाखाले सिफारिस गरेको हाे।
पत्रकारद्वय माधुरी महतो र श्याम सरार्फले लेखेका ‘गौरवशाली वीरगन्ज’ लाई गत बैशाख ११ गतेको निर्णय अनुसार विद्यालयहरुमा लागु गर्न सिफारिस गरिएको महानगरका शैक्षिक प्रशासन महाशाखाका प्रमुख आनन्द लामिछानेले बताए।
भोजपुरी प्रतिष्ठान र वीरगन्ज महानगरको सहकार्यमा प्रकाशित ‘गौरवशाली वीरगन्ज’ पुस्तकमा वीरगन्जको इतिहास, पहिचान, गौरव, स्थानीय भाषामा साहित्य, जीवनी र लेख-रचना समेटिएको लेखक महताेले जानकारी दिइन्।
आफ्नो प्रतिक्रिया दिनुहोस
